Friday, April 1, 2011

Hussain likhna

Khuloos-e-Dil ki Roshnaai le kar
Ba Deeda Tar Hussain Likhna
Tum Aisa karna Kitab-e-Dil ke
Waraq Waraq Par Hussain liknna

Huroof Khushboo ke Phool Ban kar
Tumharay Seenay Main Khil Uthain ge
Tum aisa Karna Ke Apni Ankhown
Aur Apnay Lab Par Hussain liknna

Ye Pairh Saaray Ye Sab Parinday
Adab Se Sajda Karain Ge Unn ko
Tum Aisa Karna Ke Unn Hawaown
Ki Jhaalarown Par Hussain liknna

Tumharay Taareek Manzarown Main
Ujaalay Phootain Ge Noor Ban Kar
Tum Aisa Karna Ke Apnay Ghar Main
Darood Parh Kar Hussain liknna

Kasheed Kar Ke Gullab Ka Araq
Fizaa Main PaiHam Chhirhakna Uss Ko
Phir Unn Sunehri Fizzaoun Par Tum
Raushni Ka Paikar Hussain liknna

Hussain likh Kar Phir Uss Ko Likhna
Phir Uss kO Likh kar tum Aisa Karna
Ke Aj Tak Tum Ne Jo Be Likha HO
Tum Uss Ka MehWar Hussain liknna

Aazan DainGi Tumhari Aankhain
Namaz Misray Adaa Karain Gi
TUm Aisa Karna K Rah-e-Haqq Main
Hussain Parh kar Hussain liknna

Wo Barchhiyan Wo Chamaktay KhanJar
wo TapTay Sehraa Pukaartay hain
Tum Aisa Karna K KarBalaa ke
Badan Pe Ja Kar Hussain liknna

Agar Kitaabat Ka Shauq Ho to
Kitaab-e-Sabar-0-Razaa Main Rahat
Jahan Shaheedown Ka Naam Likhna
to Sab se OOpar Hussain liknna

No comments:

Post a Comment